Healthy Fruit (KHMER TITLE)

តែប៉ុណ្ណេះឈប់ចោលទៀតហើយ! ទទួលទានសាច់ដូងខ្ចី ពិតជាផ្តល់អត្ថប្រយោជន៍ដ៏អស្ចារ្យ

ពិតជាគួរឲ្យស្តាយណាស់ មានមនុស្សមិនតិចទេដែលមិនទទួលទានសាច់ដូងខ្ចីដែលកន្លងមកតែងតែបោះសាច់ដូងចោល ក្រោយពេលផឹកទឹកដូងរួច ព្រោះគិតថាវាមិនមានប្រយោជន៍អ្វីនោះទេ។ ផ្ទុយទៅវិញសាច់ដូងខ្ចីវាពិតជាមានល្អខ្លាំងណាស់សម្រាប់អ្នកនៅក្នុងការជួយផ្គត់ផ្គង់ថាមពលដ៏អស្ចារ្យនៃរាងកាយ ពីព្រោះវាជាប្រភពដ៏ល្អឥតខ្ចោះនៃប្រភេទអាស៊ីតខ្លាញ់ អាស៊ីតcapric អាស៊ីតcapriclic និងអាស៊ីតlauric ។

លើសពីនេះទៅទៀតមិនត្រឹមតែអាស៊ីតខ្លាញ់ទាំងនេះទេដែលជួយដល់រាងកាយ តែវាមានសារធាតុដូចជាសារធាតុប្រឆាំងនឹងអុកស៊ីតកម្ម ប្រឆាំងនឹងការរលាក ប្រឆាំងនឹងបាក់តេរី ប្រឆាំងនឹងវីរុស និងសារធាតុប្រឆាំងនឹងពពួកផ្សិតទៀតផង។ 

ហើយខាងក្រោមនេះគឺជាអត្ថប្រយោជន៍នៃសាច់ដូងខ្ចី៖

តើអ្នកនឹងទទួលទានសាច់ដូងខ្ចី ឬបោះវាចោល នៅពេលដែរបានដឹងថាវាផ្តល់អត្ថប្រួយោជន៍បែបនេះ?

១. កាត់បន្ថយហានិភ័យនៃការទល់លាមក

សាច់ដូងខ្ចីជាប្រភពដ៏ល្អបំផុតនៃជាតិសរសៃ នោះមានន័យថាអ្នកក៏អាចបញ្ចូលវាសម្រាប់អាហារប្រចាំថ្ងៃ ដើម្បីជួយរក្សាការទល់លាមកដែលបណ្តាលមកពីផលប៉ះពាល់ណាមួយ។

ដោយយោងតាមអ្នកឯកទេសផ្នែកវេជ្ជសាស្រ្តបានឲ្យដឹងថាមានមូលហេតុសុខភាពពីរផ្សេងទៀតដែលអាហារមានជាតិសរសៃអាចជួយទប់ស្កាត់បាននោះគឺ ជំងឺឬដូងបាត និងជំងឺមហារីកពោះវៀនធំ។

២. ជួយបង្កើនការស្រូបយកវីតាមីនមួយចំនួន

តើអ្នកមានដឹងទេថាប្រភេទវីតាមីនខ្លះវាត្រូវការជាតិខ្លាញ់ ដើម្បីស្រូបយកដោយខ្លួនវា? ហើយពពួកវីតាមីនដែលត្រូវការជាតិខ្លាញ់ដើម្បីជួយដល់រាងកាយរបស់អ្នកនៅក្នុងការស្រូបយកនោះរួមមានវីតាមីន A វីតាមីន D វីតាមីន E និងវីតាមីន K ។

៣.បង្កើនកម្រិតថាមពល

ដោយសារតែសាច់ដូងខ្ចីវាពោរពេញទៅដោយអាស៊ីតខ្លាញ់ ដែលវាជម្រុញពីពោះវៀនទៅឈាម ដើម្បីប្រើជាថាមពលក្នុងការផ្គត់ផ្គង់រាងកាយជាមួយនឹងវីតាមីន B ដែលជួយបង្វែរអាហារឲ្យទៅជាថាមពល។

ដូច្នេះប្រសិនបើអ្នកត្រូវការថាមពលអ្នកអាចទទួលទានសាច់ដូងខ្ចីដែលវាអាចជួយផ្តល់ថាមពលដល់អ្នកបាន។

៤.ធ្វើឲ្យមានស្ថេរភាពកម្រិតជាតិស្ករក្នុងឈាម

ការទទួលទានសាច់ដូងខ្ចីមានអត្ថប្រយោជន៍ដល់អ្នកទឹកនោមផ្អែម ដោយសារតែការសិក្សាសា្រជ្រាវបានរកឃើញថាសាច់ដូងខ្ចីវាជួយកាត់បន្ថយការបញ្ចេញជាតិស្ករទៅក្នុងចរន្តឈាមបានទៀតផង។

៥.កាត់បន្ថយហានិភ័យនៃការឆ្លងរោគ

តាមរយៈការលើកឡើងមួយបាននិយាយថាសាច់ដូងខ្ចីមានសមត្ថភាពក្នុងការសំលាប់មេរោគគ្រប់ប្រភេទដូចជាបាក់តេរី វីរុស និងមេរោគផ្សិត ដែលពួកវាទាំងនេះអាចបណ្តាលឲ្យអ្នកមានបញ្ហាសុខភាពយ៉ាងច្រើន។ 

លើសពីនេះទៅទៀតវាក៏ធ្វើឲ្យមានបញ្ហាសុខភាពរាងកាយធ្ងន់ធ្ងរប្រសិនបើពពួកមេរោគទាំងនេះវាយលុករាងកាយរបស់អ្នកកាន់តែខ្លាំង ហើយអ្នកមិនបានកម្ចាត់ពួកវាចេញឲ្យបានឆាប់រហ័សទេនោះ។ ម្យ៉ាងទៀតសាច់ដូងខ្ចីវាថែមទាំងជួយបង្កើនប្រព័ន្ធភាពស៊ាំរបស់អ្នកផងដែរ។ 

ដូច្នេះក្រោយពីអានអត្ថបទនេះហើយ សង្ឃឹមអ្នកនឹងទទួលទានសាច់ដូងខ្ចី ដើម្បីជួយដល់សុខភាពរាងកាយរបស់អ្នក៕